«Саз өнерінің саңлағы»

Выпуск - №4(552) : 27.01.2023

401

Осындай тақырыпта «Западный» кітапхана-филиалында №17 орта мектебінің 7 «Ә» оқушыларымен сазгер-композитор, әнші, ҚР еңбек сіңірген мәдениет қызметкері Қалибек Деріпсалдиннің 70 жылдығына орай ақпараттық-музыкалық сағат өтті.

Кітапханашы балаларды әншінің өмірбаянымен және келешегіміз – жастар үшін тәрбиелік мәні зор шығармашылығын слайд арқылы таныстырды. Одан қалды «Дәмдес болайық» бағдарламасынан және Астана қаласында өткен ән кештерінен, жерлес композитордың шығармашылығынан үзінді көрсетілді. Мәдени мұраны насихаттау, отаншылдық сезімді, белсенді өмірлік ұстанымды тәрбиелеудегі еңбегі өтеусіз қоғамдық қызмет атқарған, бүгінгі күні ағамыздың 150-ден аса әні, 4-5 күйі өмірге келген.

Сазды сағатта барша қазақтың жүрегінен орын алған Серікбай Оспанов ағамыздың сөзіне жазылған Қалибек Деріпсалдиннің «Айлы түнде» әні тыңдалды. Ақпараттық-сазды сағат барысында 7«Ә» сынып оқушысы Нұрдаулет Махмутов «Кербез сұлу» күйін тарту етті. Іс-шара соңында «Тобыл-Торғай әуендері» атты тақырыптық сөреге шолу жасалып, оқушылар Қ.Деріпсалдиннің «Айлы түнде», «Тобыл-Торғай әуендері», О.Жақсановтың «Қазақтың өнер жұлдыздары» атты жинағымен және «Қостанай таңы», «Біздің Қостанай» газет беттерінде жарияланған мақалаларымен жақынырақ танысты.

Шолпан АБИЛЬТАЕВА,
«Западный» кітапхана-
филиалының қызметкері,
Қостанай қаласы