Тәуелсіз елдің тіл шеберлері

Выпуск - №24(471)   :   19.06.2021
158

Рудный қалалық мәдениет және тілдерді дамыту бөлімінің ұйымдастыруымен Қазақстан Тәуелсіздігінің 30 жылдығына орай «Тәуелсіз елдің тіл шеберлері-2021» атты қалалық байқау өтті.

Байқауға қатысуға 6 үміткер ниет білдірді. Іс-шара үш тілді жетік меңгерген дарынды жастарды қолдап, қазақстандық патриотизмді нығайту, тіл мәдениетін тәрбиелеу, басқа халықтардың тілдері мен мәдениетіне деген құрметін қалыптастыру мақсатын көздеді. Қатысушылардың басым бөлігі жалпы білім беру мекемелерінің ұстаздары. Атап айтар болсақ, №1 жалпы білім беретін мектептің, №5 гимназияның, Бейімбет Майлин атындағы №7 мектеп-гимназияның, №9 бастауыш мектептің және Рудный құрылыс және көлік колледжінің, KADeducation білім беру орталығының мұғалімдері.
Сайыстың алғашқы кезеніңде қатысушылар қазақ тілін жетік меңгергенін көрсету үшін эссе жазды. Екінші «Ілеспе аударма» кезеңінде қатысушылар қазақ тілінде берілген мәтіндерді оқып, оларға орыс тілінде ілеспе аударма жасады. Ал келесі «Суретті сипаттау» кезеңінде олар экранда бейнеленген сурет тақырыбының мазмұнын ағылшын тілінде ашып берді.
Байқау қорытындысы бойынша Рудный құрылыс және көлік колледжінің ағылшын тілі мұғалімі Балжан Асановаға, Б.Майлин атындағы №7 мектеп-гимназияның ағылшын тілі пәнінің мұғалімі Гузаль Бекмырзаеваға, №9 бастауыш мектептің бастауыш сынып мұғалімі Айнұр Мухамеджановаға Алғыс хаттар табысталды. Ал жоғарыда аталған кезеңдерден сүрінбей, әділ қазылардың көзіне түсіп, бәйгеде оза шауып, 1-орынға №1 жалпы білім беретін мектептің қазақ тілі мен әдебиеті пәнінің мұғалімі Гүлдана Бухарбаева ие болды.
Екінші орынға №5 гимназияның қазақ тілі мен әдебиеті пәнінің мұғалімі Тұрар Қайырбек жайғасса, жүлделі 3-орынды KADeducation білім беру орталығының ағылшын және француз тілдерінің мұғалімі Малика Нурханова иеленді. Енді байқаудың жеңімпазы үстіміздегі жылдың қырқүйек айында болатын облыстық байқауда Рудный қаласының абыройын қорғамақ. Алдағы сайыста Гүлдана Жүсіпбекқызына сәттілік тілейміз.

Айнұр НУРГАЗИНА,
Рудный қалалық тілдерді оқыту
орталығының әдіскері

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".