Жылдың үздік оқытушысы

Выпуск - №24(471)   :   19.06.2021
215

Қостанай облысы әкімдігінің тілдерді дамыту басқармасы маусым айының 1-і мен 15-і күндері аралығында оқытушылар арасындағы Ахмет Байтұрсынұлы атындағы «Үздік оқытушы-2021» облыстық байқауын онлайн түрде өткізді.

Байқау 4 кезеңнен тұрды. Алғашқы «Жарнама» (PR) кезеңінде қатысушылар 15 минуттан аспайтын бейнесабақ үлгісін дайындап, онлайн дауыс жинаса, екінші кезеңнің талабы бойынша Ахмет Байтұрсынұлының өмір жолы, атқарған қызметі мен шығармашылығы қамтылған тест тапсырмаларын орындады. Үшінші кезеңде оқытушылар Ахмет Байтұрсынұлының шығармашылығы, әдістері мен әдістемелік мақалалары, сонымен қатар оқытудағы түрлі педагогикалық-психологиялық жағдаяттарға байланысты бейнесұрақтарға жауап берді. Ал төртінші кезеңде қатысушылар өздерінің соңғы жылы шыққан оқулық, оқу-әдістемелік құралдарын, ғылыми-әдістемелік мақалаларын, байқаудағы жүлделі жетістіктерін көрсетті.



Бәсірелі байқаудың нәтижесінде Федоров ауданы тілдерді оқыту орталығының оқытушысы Слан Абдуллина І орынға, Қарабалық ауданы тілдерді оқыту орталығының оқытушысы Әйгерім Әбілова ІІ орынға, ал Қостанай ауданы тілдерді оқыту орталығының оқытушысы Гүлсая Нұрмолдина ІІІ орынға ие болды. Жүлделі орындардың иегерлері дипломмен және «Sulpak» электрондық-техникалық дүкенінің сыйлық сертификатымен марапатталды.



Сондай-ақ «Шығармашыл педагог» номинациясы бойынша Ұзынкөл ауданы тілдерді оқыту орталығының оқытушысы Мәдина Мырзашева, «Креативті педагог» номинациясы бойынша Меңдіқара ауданы тілдерді оқыту орталығының оқытушысы Иса Мусинов, «Жаңашыл педагог» номинациясы бойынша Рудный қаласы тілдерді оқыту орталығының оқытушысы Айнұр Идрисова марапатталды. Номинация иегерлері де дипломға және «Sulpak» дүкенінің сыйлық сертификатына ие болды. Ал қалған қатысушыларға арнайы Алғыс хаттар табысталды.

Диана ҚАДЫРОВА,
Қостанай облысы әкімдігінің
тілдерді дамыту басқармасының
бас маманы

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".