Әбіш оқуларының үздіктері

Қазақ халқының заңғар жазушысы Әбіш Кекілбаевқа арналған жыл сайынғы дәстүрлі республикалық «Әбіш оқулары» байқауының қалалық кезеңі Рудный қаласындағы Би-аға атындағы мектеп-гимназияда өтті.

Аталған байқау 4 бағытта және 29 оқушының қатысуымен ұйымдастырылды. Нәтижесінде Кекілбаев шығармаларынан иллюстрациялық суреттер аталымы бойынша М.Дулатұлы атындағы ЖББ мектебінің 8 «А» Айназ Жандарова, №12 ЖББ мектебінің 9-сынып оқушысы София Балашова, №17 ЖББ мектебінің 11 «А» сынып оқушысы Ангелина Элли қатысқандығы үшін сертификатқа ие болды. Ал Б.Майлин атындағы №7 мектеп-гимназияның 11-сынып оқушысы Ақтоты Шарапатова ІІІ орынды (жетекшісі Кульбаева Тамаша Александровна), Абай атындағы ЖББ мектебінің 11-сынып оқушысы Юлия Шевчук (жетекшісі Есетова Алмагуль Тулегеновна) ІІ орынды, №5 гимназияның 10-сынып оқушысы Дилара Унгарова (жетекшісі Кабылдина Айгуль Илесбековна) І орынды иеленді.

Ә.Кекілбаевтың прозасы мен поэзиясынан мәнерлеп оқу аталымы бойынша №17 ЖББ мектебінің 9 «А» сынып оқушысы Ксения Киселева және М.Дулатұлы атындағы ЖББ мектебінің 10 «А» сынып оқушысы Асель Калабаева қатысқандығы үшін сертификатқа ие болды. Ал А.Байтұрсынұлы атындағы ЖББ мектебінің 10-сынып оқушысы Асель Шахатова (жетекшісі Бегайдарова Шынар Данияровна) ІІ орынды, Б.Майлин атындағы №7 мектеп-гимназиясының 10-сынып оқушысы Жолдасбек Анарбеков (жетекшісі Бірманова Қымбат Исланбекқызы) І орынды иеленді.

Шығармашылық жұмыс, яғни Ә.Кекілбаевтың шығармалары бойынша зерделеу жоба аталымы бойынша Абай атындағы ЖББ мектебінің 8-сынып оқушысы Айдана Жарылхасымова, №12 ЖББ мектебінің 9-сынып оқушысы Айгерим Жумагелдина қатысқандығы үшін сертификатқа ие болса, М.Дулатұлы атындағы ЖББ мектебінің 10 «А» сынып оқушысы Балзира Аргынова ІІ орынды (жетекшісі Шайкибекова Айткуль Поезовна) және Б.Майлин атындағы №7 мектеп-гимназияның 10-сынып оқушысы Асель Ергенова (жетекшісі мен, Абуталпиова Асемгуль Багитбаевна) І орынды қанжығасына байлады. Сонымен бірге Кекілбаев шығармашылығынан сахналық қойылым көрсетуде №1 ЖББ мектебінің 9-сынып оқушылары Нұрсұлтан Қонақбаев, Егор Карев, Айнұр Бекболатова, Максим Кузнецов, Аружан Хасенова (жетекшісі Досанова Нургуль Сейткалиевна) қатысқандығы үшін сертификатпен марапатталды.

Ал М.Дулатұлы атындағы ЖББ мектебінің 8, 9, 10-сынып оқушылары Марьям Кабулова, Нұрғиса Туреханов, Назерке Жоракулова, Әмір Куанышбеков, Арыстанбек Калибекұлы (жетекшісі Аманбаева Жулдыз Кушекбаевна) ІІ орынды иеленсе, Б.Майлин атындағы №7 мектеп-гимназияның 9-10 сынып оқушылары Ернар Жолай, Жолдасбек Анарбеков, Мейіржан Ермеков, Айкүміс Сабитбекова, Айсара Уткелбаева (жетекшісі Қызыров Ғабит Сәбитұлы) І орынға ие болды. Сөйтіп, І орын алған дарынды оқушылар республикалық «Әбіш оқулары» байқауының облыстық кезеңіне қатысуға жолдама алды. Обылстық кезеңнен тәжірибе алып, дарындылығын шыңдап, үлкен жетістікпен оралуларына тілектеспіз.

Асемгуль АБУТАЛИПОВА,
Б.Майлин атындағы
№7 мектеп-гимназия
директордың дарынды
балалармен жұмысы және
бейінді оқыту бойынша
орынбасары,
Рудный қаласы