Әдеби байқау: лайықты жүлде

Семейдегі NIS-тің ұйымдастыруымен Назарбаев Зияткерлік мектептерінің оқушылары арасында «Менің Әуезовім...» атты ІІ желілік әдеби-шығармашылық байқауы өтті. Оған Қостанайдағы NIS оқушылары да қатысып, топ жарды.

Бәсірелі байқау жазушы Мұхтар Әуезовтің еңбектерін насихаттап, оқушылардың көркем туындыларды сүйіп оқуға ынталарын арттыруды көздеді. Жалпы 3 бағыттан тұрған байқаудың бірінші бағыты бойынша «Көркем сөз» оқудан І орынды – 8-сынып оқушылары Адилжан Уразбеков пен Жанайым Әділбек жеңіп алды. Жетекшісі – Шамганова Жансая Мерекеқызы.

«Жазушыға арнау-өлең» бағыты бойынша 10-сынып оқушысы Асылхан Сақтапбергенге «Қауырсын қалам» номинациясы берілді. Ал, үшінші «Әңгіме жазу» бағыты бойынша ІІ орынға 11-сынып оқушысы Жәнібек Ұзақбай ие болса, дәл осы бағыт бойынша 11-сынып оқушысы Нұрай Ержан мен 12-сынып оқушысы Айдана Қиақбаеваға «Жас қалам» номинациясы берілді. Жетекшісі – Сәулебаева Асия Едиресовна.

Абылай ҚАСЫМОВ,
Қостанай қаласындағы
NIS баспасөз хатшысы