Әлеуметтік қамқорлық – басым бағыт

Жақында әдістемелік секциялардың жұмысы аясында Қостанай қаласының білім бөлімі әлеуметтік педагогтерге «Балаларға қолайлы жағдай жасау бойынша отбасын әлеуметтік-психологиялық сүйемелдеу» тақырыбында семинар өткізді.

Балалық шақ құқықтарын қорғау бөлімінің меңгерушісі А.Мұқанова семинарға қатысушыларға сектор қызметін талдауды ұсынды. Талдау қорытындысы бойынша әлеуметтік педагогтердің алдына бірқатар міндеттер қойылды. Атап өтер болсақ, олар: көмекке мұқтаж отбасыларды әлеуметтік жеңілдіктермен қамтамасыз ету; ата-ана міндеттерін тиісті деңгейде орындамайтын ата-аналармен профилактикалық жұмысты күшейту; өмірлік қиын жағдайға тап болған әрбір бала үшін қолайлы жағдай жасау.

Семинардың теориялық бөлімінде №8 ЖББ мектептің әлеуметтік педагогі З.Уразбаева отбасындағы қолайсыздықты анықтау және оны жою бойынша жұмыс тәжірибесімен бөлісті. Ал практикалық жағынан №10 ЖББ мектептің әлеуметтік педагогі Г.Исмаилова, №22 ЖББ мектептің әлеуметтік педагогі А.Молдағалиева №10 ЖББ мектептің психологы Н.Қайырғалиқызымен бірлесіп, қатысушыларымен отбасылардағы проблемалық жағдайлар бойынша екі тілде тренинг және коучинг өткізді.

Тағылымды семинардың нәтижесінде аталған мәселелерді шешу жолдары және мектеп әкімшілігінің мүдделі органдармен өзара іс-қимыл жөніндегі іс-қимыл алгоритмі анықталды. Сондай-ақ кәмелетке толмағандардың құқықтарын қорғауға қатысты барлық бағыттар бойынша ұсынымдар әзірленді.

Қостанай қаласының білім бөлімі