Білім ордасының мақтаныштары

Қостанай ауданындағы Рыспай негізгі орта мектебінің оқушылары мектепішілік сайыстарға қатысып қана қоймай, аудандық, облыстық, республикалық деңгейдегі байқауларда бақ сынап, жүлделі орындарға ие болуда.

Белсенділік танытып, өзінің қабілет-қарымын арттырып жүрген әрбір шәкірт – мектебіміздің, оның ішінде ұстаздарының мақтанышы. Соңғы жетістіктердің ішінде жалпы білім беретін пәндер бойынша олимпиаданың аудандық кезеңінде жүлделі орындарды иеленген оқушыларымызды, ең алдымен, ерекше атап өткім келеді. Олар: мемлекеттік тілде білім алатын 7-сынып оқушысы Илияс Жұмабек (3-орын); орыс тілінде білім алатын 8-сынып оқушысы Зарина Албагачиева (3-орын) және мемлекетттік тілде білім алатын 9-сынып оқушысы Тойжан Молибаева (2-орын).
Сонымен қатар, тағы бір айта кетерлігі – «Дарын» Республикалық ғылыми практикалық орталығының ұйымдастырылуымен өткізілген ЖББ мектептерге арналған «Ақбота» зияткерлік олимпиадасына қатысып, көптеген оқушыларымыз жүлделі I, II, III дәрежелі дипломдармен марапатталды. Олардың әрқайсысын жеке-жеке атап өтсек. I дәрежелі дипломды 4-сынып оқушысы Артем Шевченко, 9-сынып оқушысы Айлана Сулейменова, сондай-ақ Айша Асылбек, Заңғар Сақтапберген және Бексұлтан Бөлтірік иеленді.
II дәрежелі дипломға 7-сынып оқушысы Балжан Акбар, 6-сынып оқушысы Лаура Сулейменова, сондай-ақ Нурислам Қапсұлтан, Құралай Асылбек, Аяла Жұмабай және Айзере Жаллидин ие болды. Ал, III дәрежелі дипломды Жантөре Дамеров, Бекболат Бөлтірік, Раяна Балшикбаева және Амина Жаллидин қанжығасына байлады. Жеңімпаз шәкірттерімізді мектеп ұжымының атынан құттықтай отыра, алдағы уақытта сәттілік серік болсын дейміз.

Фарида ЕСІМХАН,
Рыспай негізгі орта мектебінің дарынды
балалармен жұмыс кординаторы,
Қостанай ауданы