Қостанай қаласындағы №27 жалпы білім беретін мектебінің 1 «Ә» сыныбында мектепті алғаш аттаған бүлдіршіндердің жеткен жетістіктерін мерекелеу, ата-ана, ұстаздармен қуаныштарын бөлісу мақсатында «Тілашар» мерекесі өтті.
Балалардың ойын, тілін дамытып, дүниетанымын қалыптастырып, ана тілінде сөйлеу шеберлігін үйрету, қалыптастыруды көздеген шара барысында баланың бойындағы өнерін көрсете білуіне мүмкіндік жасап, оқушы бойындағы ерекше қабілетін ашу, тәрбиелеу назардан тыс қалмады. Ертеңгілікте оқушылар өздерінің алған білімдерін көрсете білді, яғни осы уақытқа дейін үйренген тақпақтарын оқып, ән шырқап, би билеп, қойылым көрсетті. Бойындағы сан қырлы өнерлерін жақсы көрсете алды.
Осы ертеңгіліктен балалардың сөздік қоры, тіл дамыту дағдылары, сөйлеу мәнері, қисынды ойлау қабілеті толығымен көрсетілді деп ойлаймын. «Тілашар» мерекесінен оқушылар ерекше әсер алды. Іс-шараға белсене қатысқандары үшін оқушыларыма мақтау қағаздары таратылды. Балалардың ата-аналары мен мектеп мұғалімдері ертеңгілігіміздің қонағы болып, олардың өнеріне жоғары бағасын беріп жатты. Алдағы уақытта да 1 «Ә» сыныбымен осындай мерекелік іс-шараларды өткізіп тұратын боламыз.
Бибігүл ЖҰМАСАЕВА,
№27 ЖББМ бастауыш
сыныптар мұғалімі,
Қостанай қаласы
Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать.