«Біз біргеміз!»: челленджге үлес

Соңғы күндері еліміздің көптеген өңірінде тоқтаусыз соққан боран тұрғындарды әбігерге салды. Қар басқан жолдарды, нысандарды аршуға көмектесу үшін елде «Біз біргеміз» челленджі бастау алды.

Оған Барвинов орта мектебінің оқушылары мен ұстаздары да ат салысты. Мектебіміздің жоғарғы сынып оқушылары мен ұстаздары да ел көлемінде жүргізіліп жатқан акциядан шет қалмай, қолдарына күректерін алып, қар тазалауға шықты. Республикалық челленджге үн қосқан оқушылар мен ұстаздар ауылдың жалғызбасты әйелдері мен қарттарына барып, аулаларын қардан тазартуға көмектесті. Қайырымдылық шарасына жалпы саны елуге тарта еріктілер ат салысты. Мектеп оқушылары қариялардың батасын алып, ризашылығына бөленді. Еріктілердің айтуынша, аталмыш акция алдағы уақытта да жалғасын таппақ.

Гүлзада АБИТЧАНОВА,
Барвинов ОМ
тәрбие ісін жүргізуші,
Сарыкөл ауданы