Ең басты құндылығымыз

Выпуск - №50(547) : 24.12.2022

307

Тәуелсіздік – ең алдымен қазақ халқының бостандыққа ұмтылған асқақ армандары мен қайсар рухының жемісі. Сондықтан да біз үшін тәуелсіздік күні – ең қастерлі күн. Бүгінгі барлық жетістіктерімізге осы тәуелсіздіктің арқасында қол жеткіздік.

Мұхамеджан Сералин атындағы жалпы білім беретін мектебінде тәуелсіздік күніне қарсы іс-шаралар жоспарланып, жүзеге асырылды. Мектебіміздің 4-сынып оқушылары тәуелсіздік күніне арналған өлеңдерін оқып, бұл күннің ел тарихындағы маңызына қатысты ой-пікірлерін ортаға салды. Қазақстан Республикасының әйгілі азаматтары туралы бейнежазбаны тамашалай отырып, топ ішінде өзінің білетіндерін талқылады. Сондай-ақ сурет салып, шағын көрме ұйымдастырды.

Біздің Қазақстан Республикасының тарихындағы барлық жетістіктері, жаңа заманда жаңаша ерекше өрлеуі, өркендеуі, рухани-экономикалық еркіндігіміз, әлемдік қоғамдастық пен дүние жүзінің дамыған озық мемлекеттерімен тереземіз тең, дәулетті елдермен бірдей қарым-қатынас жасау жетістіктеріміздің барлығының алтын бастауы – ел тәуелсіздігінің арқасы. Жас ұрпақ соны ұғынып, қастерлей білсе болғаны.

Гүлнара ШИШИМБАЕВА,
М.Сералин атындағы ЖББ
мектебінің бастауыш
сынып мұғалімі,
Қарабалық ауданы