Күй атасы – Құрманғазы

Қостанай ауданындағы Мeмлeкeттiк тiлдe оқытaтын A.Бaйтұрсынұлы aтындaғы ЖББ мектебінің 9 «Б» сыныбында күйші Құрманғазы Сағырбайұлының туғанына 200 жыл толуына орай сынып сағаты өткізілді.

Сынып сағаты барысында шәкірттеріміз күйші атамыздың өмірбаяны мен шығармашылығымен танысып, мәліметтер ала білді. Арнайы шақырылған мектебіміздің күйші шәкірттерінің бірі – 9 «А» сынып оқушысы Арайлым Хамит, іс-шара барысында Құрманғазы Сағырбайұлының күйлерін орындап, шығу тарихымен таныстырып өтті. Жалпы осы сынып сағаты арқылы өскелең ұрпаққа еліміздің тарихы мен Құрманғазы бабамыздың күйлерін насихаттау көзделді.

Құрманғазы Сағырбайұлы – ұлы күйші-композитор. Қазақ халқының аспапты музыка өнерінің классигі. «Күй атасы» деген атқа ие бабамыздың 200 жылдығына орай ұйымдастырылған іс-шараға өңіріміздегі еңбек сіңірген қоғам қайраткерлер мен тыл ардагерлері қатысып, оның өмір жолы туралы әңгімеледі. Күйші бабамыздың «Кісен ашқан», «Түрмеден қашқан», «Ақсақ киік», «Балбырауын», «Аман бол, шешем, аман бол» сынды қалың елге мәлім күйлерін өңіріміздегі өнер колледжінің студенттері орындап, қазақтың қара домбырасымен күйден шашу шашты.

Күй атасы шығармашылығы арқылы әлеуметтік әділетсіздікке қарсы күрескен. Сол себепті, алғашқы күйлері де осы тақырыптан бастау алған. Оның күйлері тарихи оқиғаларға, өз өмір жолындағы сәттерге, ана туралы естелікке толы. Сол кездегі байларды сынағаны үшін бірнеше мәрте түрмеге қамалғанмен, еңсесін түсірмей, жас ұрпаққа туындыларын аманат етіп кеткені баршаға мәлім. Құрманғазы шығармашылығы ерекше тәсілдері мен авторлық көзқарасының арқасында еліміздің мәдени мұрасының ажырамас бөлігіне айналды.

Қaлaмқaс ДУЛЫБAEВA,
Мeмлeкeттiк тiлдe оқытaтын
A.Бaйтұрсынұлы aтындaғы
ЖББМ мaтeмaтикa
пәнiнiң мұғaлiмi,
Қостанай ауданы