Мектеп парламентінің мүмкіндіктері

Мектеп парламенті – оқушылардың өз еріктерімен құрылған ұйымы, мектеп өміріндегі мәдени іс-шаралар мен ағымдағы мәселелерді шешуге белсенді қатысып, білім ордасын жарқыратып көрсетеді.

Бұл ұйым белсенді оқушылардан құралған, мектеп өміріне бейжай қарамайтын, өзін-өзі басқару арқылы жұмыстарды іске асыратын жастардың алаңы. Оқушылар бұнда коммуникациялық және ұйымдастыру шеберліктерін шыңдайды. Парламентке 9–11-сынып оқушылары мүше бола алады. Сынып ұжымы ұсынған беделді оқушы және өз еркімен парламент жұмысына қызығушылық танытқан кез келген оқушы парламент жиналысында қабылданады. Парламент мүшелері ұжымдық түрде жұмыс атқаратынын айта кеткен жөн. Айсары жалпы білім беретін мектебінің парламенті оқушыларымен қыркүйек айында жоспар құрылып, бекітілді.
Өзін-өзі басқару ұйымының президентін сайлау іс-шарасында көп дауыс жинаған Нұрай Ермекбай мектеп президенті болып тағайындалды. Сонымен қатар, мектеп фракциялары жыл бойы атқаратын жұмыстарымен таныстырылды. Өзін-өзі басқару ұйымының жұмыстарын ұйымдастыруды аға тәлімгер қадағалап, тапсырмалар беріп отырады. Алдағы уақытта мектеп ішінде байқаулар, спорттық жарыстар және ұжымдық шығармашылық іс-шара ұйымдастыру жоспарланған. Мектеп басқару ұйымының жұмысына қатысу – әр оқушының міндеті.

Саркын АБЕНОВА,
Айсары жалпы білім
беретін мектебінің аға тәлімгері,
Қостанай ауданы