Мектептегі кәсіптік бағдар

Мектеп оқушыларын кәсіптік бағдарлау міндетін әрдайым оқушылар қатысатын көптеген қызмет түрлерін қолдана отырып шешкен жөн. Бұл мектеп басшылығының, психологтар мен мұғалімдердің қалауы бойынша танымдық іс-шаралар, ойындар арқылы болуы мүмкін.

Жоғары сынып оқушылары болашақ кәсіби қызметін анықтау қажеттілігіне тап болады. Алайда, бұл жаста барлық оқушыларың дүниетанымы мен қалыптасқан көзқарастары жеткілікті емес. Сондықтан педагогтер кәсіби бағдар беру жұмыстарын жүргізеді. Балаларға мамандық таңдауда көмектесу үшін, қандай да бір түрде мектеп директорының тәрбие жұмысы жөніндегі орынбасарынан бастап кітапхана мен медицина қызметкеріне дейінгі барлық қызметкерлер жұмылдырылғаны жөн. Мектептегі кәсіптік бағдарлау жұмысының сәтті құрылуы түлектерге қолайлы білім алуға көмектеседі, әрі сөзсіз сәтті нәтижжесін әкеледі.

Біздің Көктал ЖББ мектебінің оқушылары кәсіптерді зерделеуде шығармашылық көзқарасты белсендіру, білім алушылар мен педагогтерді бірлескен қоғамдық-маңызды кәсіби бағдарлау қызметіне тарту мақсатында өткізілген «Мамандықтар әлемін ашамыз» атты форумның аудандық сырттай кезеңіне қатысып, жүлделі орындарды иеленді. «Мамандық таңдау уақыты» видеовлогтар байқауында «Мамандық әлеміне саяхат» бейнеролигіне 10-сынып оқушысы Саят Бектемисов қатысып, 1-орынды иеленді. «Профессии все важны» атты перзентация қорғаудан 1-орынға 11-сынып оқушысы Фархат Ускенов ие болды.

Мектебіміздің 10-сынып оқушысы Базан Серикбаев «Al professions are important» ағылшын тілінде бейнероликке қатысып, 2-орынды иеленсе, 10-сынып оқушысы Рабиға Айткалиева «Virtual Reality Designer» ағылшын тілінде презентация қорғап, 2-орын алды. Сондай-ақ 11-сынып оқушысы Наргиза Жусупованың «Моя будущая профессия» жұмысына 2-орын берілді. «Менің мамандығым – менің болашағым» атты бейнероликтер байқауына 11-сынып оқушысы Сабина Абдуллаева қатысып, 2-орынға ие болды. «Менің кәсібім – менің бизнесім» бизнес-жоспардың жобасын қорғау номинациясына «Көлік жуу орнын ашу» тақырыбымен 11-сынып оқушысы Ернұр Таскинбай қатысып, жүлделі 1-орынды иеленді.

Гүлжан ТАИПОВА,
Көктал ЖББМ
педагог-психологы,
Әулиекөл ауданы