Мені Абай шабыттандырады

Выпуск - №42(438)   :   24.10.2020
1422

«Шұғыла» балалар мен жасөспірімдер шығармашылық орталығының ұйымдастыруымен Абай Құнанбайұлының мерейтойына орай «Абай – мұра, ғасырлар даналығы» онкүндігі аясында аудандық сурет байқауы өтті.

«Мені Абай шабыттандырады» атты байқау оқушыларға бейнелеу өнерінің қыр-сырын жан-жақты үйрету, олардың дүниетанымын, эстетикалық талғамын кеңейту, сурет салу дағдысын, логикалық ойлау, еске түсіру, елестету қабілеттерін және шығармашылығын арттыру мақсатында ұйымдастырылды. Байқауға жалпы білім беретін орта мектептердің 1-4 сынып оқушылары арасында, жалпы 57 үміткер қатысты. Әр оқушы өзінің суреттерін бар ынтасымен салып, байқауға жауапкершілікпен қарады. Байқау ережесіне сәйкес әрбір жұмыстың көркем-эстетикалық безендірілуі, орындау сапасы ескерілді.



Байқау нәтижесінде бас жүлдені А.Нұрманов орта мектебінің оқушысы Әмина Еркінқызы, І орынды Жаңа ауыл орта мектебінің оқушысы Ақбаян Байдүйсенбайқызы, ІІ орындарды Б.Қолдасбаев орта мектебінің оқушысы Ғибрат Сапарбеков пен Жаңа ауыл орта мектебінің оқушысы Айдана Бекболатқызы иеленді. Ал ІІІ орындарды Тасты орта мектебінің оқушысы Бекзат Шорманұлы, Амангелді орта мектебінің оқушысы Інжу Жұмағали, Н.Мейірманов орта мектебінің оқушысы Ертөре Саматов иеленді.


Әнет ЖҰМАБЕК,
«Шұғыла» балалар мен
жасөспірімдер шығармашылық
орталығының көркемдік жетекшісі,
Амангелді ауданы

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".