Өңір ұстаздары дүбірлі додада

Елордадағы Жақсылық Үшкемпіров атындағы жекпе-жек сарайында сәуірдің 17-19 аралығында «Мас-рестлинг» (таяқ-тарту) ұлттық спорт түрінен алғаш рет өткен Республикалық турнирге Қостанай қаласының құрама командасы қатысты.

Дүбірлі дода сәуірдің 18-і күні 88 батыл спортшылар және Республикамыздың 9 облысы бақ сынады. Келесі күні Қазақстан Республикасы мен Ресей Федерациясының Саха Республикасы (Якутия) құрама командаларының арасында таяқ-тартудан және еркін күрестен жолдастық кездесу болды. Ашылу рәсіміне VIII «Азия балалары» халықаралық спорт ойындарының бас төрешісі, әлем чемпионы М.Ақшақалов, ҚР Туризм және спорт министрінің орынбасары Е.Еркинбаев, ҚР мен Саха (Якутия) РҚ бас төрешісі П.Фитисов қатысты. ҚР мен Саха (Якутия) Республикасының құрама командалары арасында таяқ-тарту және еркін күрес бойынша матчтық кездесу ерекше аяқталды.

Қостанай облысы федерациясының жетекшісі ретінде менің бастауымдағы топ жақсы бақталас сайыс көрсетіп келді деп айта аламын. Қатысушылар: Рудный қаласындағы Б.Майлин атындағы №7 мектеп-гимназиясының мұғалімдері – Ерболат Балғабаев 85 келі, Шыңғыс Кажиков 125+ келі, Рудный қаласындағы А.Байтұрсынұлы атындағы ЖББ мектебінің мұғалімі Мәлік Бекқали 75 келі, Айдын Жалкенов 80 келі, Рудный қаласындағы М.Дулатұлы атындағы ЖББ мектебінің мұғалімі Алия Жусенова 55 келі, Қарасу ауданына қарасты Октябрь ЖББ мектебінің мұғалімі Николай Парфёнов 105 келі, Қостанай жоғары педагогикалық колледжінің №1 МБ меңгерушісі Ляйлим Ибраева 75 келі, Ар-43 тобының студенті Ульяна Дерляйн 85+ келі және М-41 тобының студенті Саягуль Темиржанова 65 келі салмақ дәрежесінде қарсыластарымен тартысқа түсті.

Нәтижесінде Қостанай құрама командасының қатысушылары қанжығаларына 1 күміс, 4 қола медаль байлады. Атап өтер болсақ, үшінші орынды – Ляйлим Ибраева, Ульяна Дерляйн, Алия Жусенова, Шыңғыс Кажиков иеленді. Ал, жүлделі екінші орын Саягуль Темиржановаға бұйырды. Екі күн бойы көрермендер мен қатысушылар жекпе-жекті үлкен шеберлікпен тамашалады. Спорттық элитаның мықты өкілдері 12 түрлі категория бойынша аренаға шығып, физикалық күш қана емес, стратегиялық ойлау деңгейі мен қиындықтарды жеңе білу қабілетін де көрсетті.
Осылайша тартысқа толы турнир елдегі бәсекелестік рухтың деңгейін көтеріп қана қоймай, спорттың барлық адамды бір-біріне жақындататынының айқын дәлелі болды. Әрбір қатысушы жекпе-жекке жаны мен күш-қуатын салды, бұл керемет толқу мен рахат атмосферасын тудырды. Аталмыш дода Қазақстандағы Мас-рестлингтің дамуындағы жаңа дәуірдің басы ғана. Осы ұлттық ойынның ары қарай да дамуына күш-қуатымызды салып келеміз. Лайым солай болғай.

Бейбут ОСПАНОВ,
Қостанай облысының
федерациясының жетекшісі,
№28 мектеп-гимназияның
дене шынықтыру пәнінің мұғалімі,
Қостанай қаласы