Учительская плюс
Областная еженедельная общественная информационно-образовательная газета
Календарь
30/10/26 Пятница
Ұстаз болу – өте жауапты, күрделі әрі қызықты жұмыс болса, шәкірт тәрбиелеу – кез келген адамға бұйыра бермейтін үлкен бақ. Бар күш-жігерін, жылуын, білім нәрін баланың бойына сіңіріп, оқушыларды үлкен өмірге қанаттандырып, ұшыратын да – осы ұстаздарымыз.
Олардың қандай да бір жетістікке жетуіне жол көрсетіп, бағыт-бағдар беріп отыратын да – ұстаз. Сөз орайы келгенде оқушыларға бар күшін салып, өмір ағымынан қалдырмай, дамудың дұрыс жолына бағыттап келе жатқан ұстаздарымыз туралы айтқым келеді. Жақында Науырзым жалпы білім беретін мектебінің гуманитарлық пәндер бірлестігі «Тіл мен тарих – халықтың қос қанаты» атты мектепішілік семинарын ұйымдастырды.
Семинар барысында қазақ тілі мен әдебиеті, орыс тілі мен әдебиеті, ағылшын тілі, тарих пәні, дене шынықтыру, АӘД пәндерінен тәжірибелі сабақтар жүргізілді. Ал еңбек пәнінің мұғалімі «Ал, қанекей, қыздар!», практиканттар «Көңілді мәре» сайысын ұйымдастырды. Сонда әріптестерімнің дайындығына, сабақ өткізу ерекшелігіне, оқушылардың белсенділігіне риза болдым. Семинарды бірлестік жұмыла отырып, жоғары деңгейде өткізіп шықты деп айта аламын.
Мұғалімдердің бәрі – жоғары білімді ұстаздар. Айтып өткенімдей, семинар барысында олар білімдері мен біліктерін жоғары деңгейде көрсетті. Өткізілген тәжірибелі сабақтарда оқушылар белсенділік танытып, қызығушылықпен қатысты. Әр мұғалім сабақтарында интерактивті тақта, көрнекіліктер, бейнемазмұн, плакаттар, жаңартылған технологиялар – Wordwall, Quizizz, Excel, жасанды интеллект сияқты платформаларды, сондай-ақ әртүрлі әдіс-тәсілдерді пайдаланды. Кей сыныптарда топтық, жұптық, жеке жұмыстар жүргізілсе, кейбір сыныптарда сабақ жарыс түрінде өткізіліп, тартысты әрі қызықты болды.
Семинар соңында рефлексия жүргізіліп, оны бірлестіктің жетекшісі ретінде өзім бастадым. Семинарда жеткен жетістіктер айтылып, әріптестер өзара пікір алмасып, бір-біріне тілектерін арнап, гуманитарлық пәндер бірлестігінің семинарын жоғары бағалады. Осылайша, әріптестермен тәжірибе алмасуды көздеген іс-шара мақсатына толықтай жетті.
Дана ТУКЕНОВА,
Науырзым жалпы
білім беретін мектебінің
тарих пәнінің мұғалімі,
бірлестік жетекшісі
Би өнерінің бәйгесінде оза шапқандар
_250x150_3cd.jpg)
Заңды білеміз, тәртіпті сақтаймыз, әділдікті жақтаймыз!
Как меняются трёхлетки и что с этим делать
Путь, заданный великим учителем
Роль профсоюза в сохранении культурно-исторического наследия
Около 10 лет я выписываю «Учительскую плюс» и стараюсь всё интересное донести до её читателей. В нашей школе хороший, творческий коллектив, проводится много мероприятий, заслуживающих внимания, и я очень рада возможности рассказывать о них на страницах газеты, показать, что мы хоть и сельская школа, но от городских не отстаём, работаем ярко, увлечённо. И в этом нам тоже помогает любимая газета. Сотрудничество с «Учительской плюс» действительно большой плюс для всех педагогов, особенно тех, кто стремится к профессиональному росту, к творческому самовыражению.
Мне интересно не только самой написать об уроках, педагогических открытиях, проектах нашей школы, но и почитать и других авторов, узнать, как живут, как работают мои коллеги в других уголках области, чтобы что-то новое, эффективное использовать в своей деятельности. Я с удовольствием читаю всё, каждую страницу, а особенным удовольствием – красочные материалы про детей. «Учительская плюс» для педагогов области – газета №1. Особенно теперь, когда её публикации учитываются при аттестации.