Тілдер мерекесіне орай

«Западный» кітапхана-филиалының қызметкері №17 мектебінің 6 «Ә» оқушыларымен бірге «Тіл – халықтың жаны» атты зияткерлік ойын сағатын өткізді. Кітапхана қызметкері іс-шара басында тілдің тарихына тоқталды.

Қазақстан халқы тілдер мерекесінің қыркүйектің 5-і болып белгіленуінің де өзіндік себебі бар. Бұл күні «Ұлттың сақталуына да, жоғалуына да себеп болатын нәрсенің қуаттысы – тіл» деп  ұлағатты сөз қалдырған, қазақ халқының тағдыры, тілі үшін күрескен Алаш арысы Ахмет Байтұрсынұлы дүниеге келген. Шара жүргізушісі, енді барша қазақстандықтар қазақ әліпбиінің негізін салған ғалымның туған күнінде Тіл мерекесін тойлайтындығы жайлы айтты.

Іс-шара барысында  тіл туралы зияткерлік ойын ойналды. Жалпы сайыс төрт кезеңнен тұрды: I кезең – «Бәйге», II кезең – «Полиглот», III кезең – «Ғажайып алаң», ІV кезең – «Жорға». Бұл кезеңде қазақ тілі мен әдебиеті, тарих, география пәнінен, мәдениет және спорт саласынан сұрақтар берілді. Оқушылар ойынға белсенді атсалысып, білімдерін көрсетті. Зияткерлік сағат балалардың көңілінен шықты. Іс-шара соңында «Мемлекеттік тіл – ұлттық  қазына» атты тақырыптық сөреге шолу жасалды.

Шолпан АБИЛЬТАЕВА,
«Западный» кітапхана-
филиалының қызметкері,
Қостанай қаласы