Ұлттық ойындарды дамыту

Қазақ халқы мақалдарында «Тәрбие – тал бесіктен» деген бар. Бұл мақалдың түбінде терең мән жатыр. Қазақ халқы мәдени мұраға бай екендігі рас. Сондай бір қомақты дүниелер қатарына ұлттық ойындарымызды жатқызуға болады.

Ұлттық ойындарымыздың тәрбиелік мәні зор. Соның ішінде, асық ойыны – әр өлкеде түрлі ерекшеліктерін сақтай отырып дамыған ұлттық ойындардың ішінде аса танымалы және қазақ халқының дәстүрлі ұлттық ойындарының ең қызықты әрі өте кең тараған түрі. Сондықтан, ғасырлар бойы халықтың зердесінде сақталып келген осы ойынды өскелең ұрпақты тәрбиелеудің құралы ретінде пайдаланған абзал.
Қостанай ауданында ата-бабамыздың мұрасы болған «Асық ату» жарысынан үлкен іс-шара өткізілді. Оған Рыспай негізгі орта мектебінің оқушылары да қатысты. Олар ағайларынан үйренген білімдерін дәлелдеп, І орынға иеленді. «Асық ату» ойыны тәрбиеленушілерімізді мергендікке, ептілік пен дәлдікке баулиды, сонымен қоса тәрбиеленушілеріміздің ұлттық ойындарға деген қызығушылықтарын арттырады. Ұлттық ойындарымызды өскелең ұрпақтың бойына сіңіру – біздің қолымызда деп сенемін.

Хамит БАРМАКОВ,
Рыспай НОМ
дене шынықтыру пәнінің мұғалімі,
Қостанай ауданы