Жаңашыл ұстаз – заман талабы

Арқалық қаласындағы №10 жалпы білім беретін мектебінде «Жаңа технологияларды қолдана отырып, білім алушылардың бәсекеге қабілеттілігін арттыру» тақырыбында қалалық семинар болып өтті.

Семинарда қалалық білім бөлімінің әдіскерлері, қала және ауыл мектептерінен математика, физика және информатика пәндерінің мұғалімдері қатысты. Ал, мектебіміздің жаратылыстану бірлестігі мүшелері өздерінің тәжірибелерімен бөлісті. Атап айтқанда, «Сабақ барысында білім беру платформаларының тиімділігі» шеберлік сыныбын математика пәнінің мұғалімі Гүлшат Кәкен мен физика пәнінің мұғалімі Дарина Кауатаева, «Сила трения. Трения в природе и технике» кіріктірілген сабағын физика пәнінің мұғалімі Флюра Велиуллова мен орыс тілі мен әдебиеті пәнінің мұғалімі Елена Астраханцева, «Robot master» шеберлік сыныбын информатика пәнінің мұғалімдері Шоқан Төлеухан мен Жанарыс Ержанов өткізді.

Қазіргі уақытта ақпараттық-коммуникациялық технологиялардың заманауи талаптарға сай дамуы білімді бағалау және пайдалану жүйесін уақытылы өзгертіп отыруды талап етеді. Осыған байланысты оқытуда қолданылатын әдіс-тәсілдер, әдістемелер, технологиялар білім беру талаптарына байланысты жаңартылып отырады. Сапалы, терең білімді меңгеруге талпынған өскелең ұрпақтың жеткілікті дәрежеде сандық сауаттылығы бар, себебі олар өмір жағдайлары барысында жаңа технологияның барлық мүмкіндіктерін пайдаланады. Ал, оларды нәтижелі қолдану мұғалімнің біліктілігіне, біліміне, тәжірибесіне байланысты.
Оқытуда АКТ-ны пайдаланудың маңызы зор және оны білу – әр ұстазға міндет. Мінсіз, сыни ойлап, қоғамаға өзіндік пайда әкелетін оқушы тәрбиелейтін ұстаз да осы сұраныстарға жауап беретін, сыни ойлайтын, құндылықтарды бойына сіңірген, Шульманның үш көмекшісіне сай болуы қажет. Ұстаздардың кәсіби шеберлігін арттыруға оң ықпал еткенін олардың семинардан алған әсерлері мен ой-пікірлерінен айқын білінді. Ұстаздың білімін шыңдап, шығармашылығын арттыруда осындай іс-шаралардың пайдасы мол.

Раушан МУХАМЕТЖАНОВА,
Гүлшат КӘКЕН,
№10 ЖББМ жаратылыстану пәндер бірлестігі мүшелері,
Арқалық қаласы