Жалпымектептік ата-аналар жиналысы

Ақпан айының он алтыншы жұлдызында мектебімізде Облыстық психологиялық қолдау және қосымша білім беру өңірлік орталығының бұйрығы негізінде «Бірыңғай облыстық жалпымектептік ата-аналар жиналысы» қазақ және орыс тілінде өткізілді.

Жиналыста бүгінгі күні өзектілігі жоғары «Кәмелетке толмағандарға қатысты аутодеструктивті мінез-құлық пен тұрмыстық зорлық-зомбылықтың алдын алу» тақырыбы қозғалды. Жиналыста мектебіміздің педагог-психологы және әлеуметтік-педагогі баяндама оқып, практикалық жұмыстар жүргізді. Жалпы жиналыс екі бөлімнен тұрды.

Алғашқы теориялық бөлімде: суицидтік мінез-құлықтың алдын алу мәселелерінде ата-аналардың психикалық сауаттылығының маңыздылығын арттыру; кәмелетке толмағандардың суицидтік мінез-құлқының себептері мен белгілерімен танысу; аутодеструктивті мінез-құлық тетіктерін және «ерекше назар» топтарындағы кәмелетке толмағандармен психокоррекциялық жұмыс жүйесінің кезеңдерін ашу; балаларға қатысты тұрмыстық зорлық-зомбылық белгілері: анықтау және шаралар қабылдау; отбасындағы тұрмыстық зорлық-зомбылықтың алдын алу мәселелерінде психологиялық қолдау көрсету; сондай-ақ тұрмыстық зорлық-зомбылыққа қатысты ұйымдастырушылық-басқарушылық және ақпараттық-ағартушылық шаралар схемасын құру көзделді.

Келесі практикалық бөлімде тәжірибелік тапсырмалар, тренингтік жаттығулар; видео-баяндар қарау, талқылау, кері байланыс; ақпараттық материал (жадынамалар, буклеттер) таратылды. Осылайша өзекті тақырыпты неғұрлым түсінікті етіп жеткізуге бағытталған жалпымектептік ата-аналар жиналысына балалардың ата-аналарымен қатар сынып жетекшілер, пән мұғалімдері қатысты. Пән мұғалімдері мен сынып жетекшілерге ата-аналар көкейлерінде жүрген сауалдарды қойып, жеке-жеке де әңгімелесті.

Сымбат МИЗАМБАЕВА,
М.Хәкімжанова атындағы
Щербаков ЖББ мектебінің
педагог-психологы,
қазақ тілі мен әдебиеті
пәнінің мұғалімі,
Алтынсарин ауданы