Пародиялық шоу байқауы

Әр адамның бойына ерекше біткен дарыны болады. Соның бірі – өнер. Осы өнер арқылы өмірдің кең тынысы бейнеленеді. Оқушылардың бойындағы таланттарын көрсету мақсатында орталығымызда «Пародист-коктейль» пародиялық шоу байқауы өтті.

Байқауға әрбір үйірмеден 6 оқушымыз қатысып, бар өнерлерін ортаға паш етті. Байқау қорытындысы бойынша жүлделі ІІІ орынды «Жанұя» клубының оқушысы Аяла Құрманғазы және «Жанұя» клубының оқушысы Аяулым Өмірбай теңдей бөлісті. Ал, ІІ орынды «Мирас» терме үйірмесінің оқушысы Айзада Фазылхан иеленсе, жүлделі І орынға «Тоғызқұмалақ» үйірмесінің оқушысы Жайдары Қайратқызы ие болды.
Менің түсінігімде, өнер – адам бойындағы белгілі бір құдірет күші секілді. Әр адамның бойында өзіне ғана тән дарыны болады. Өнер – белгілі бір аспапты игере білу деңгейімен ғана шектеліп қалмауы керек, ол жан-жақты болады. «Өнерлі адам – өрге жүзеді» демекші, өнердің құдіреті арқылы әрқашан да биік шыңдарды бағындыратынымызға күмән келтірмейміз.

Жазира ТОНАШИНА,
Қосымша білім беру педагогі,
Арқалық қаласы