Волейболдан аймақтық жарыс

Выпуск - №16(564) : 28.04.2023

820

Арқалық қаласындағы Қосымша білім беру орталығының жүлдесі үшін қыздар/әйелдер арасында волейболдан аймақтық жарыс ұйымдастырылды. Тартысты өткен жарысқа 8 команда қатысып, бақ сынады.

Спорт ойындарының ішінде кең тараған түрі – волейбол болса керек. Дәрігерлер мен дене шынықтыру, спорт мамандарының пікірінше, оның адам ағзасына тигізер пайдасы зор. Волейбол ойынынан қыздар арасындағы жарыс ҚР Білім және ғылым министрлігінің жалпы білім беру ұйымдарында тәрбие жұмыстарын ұйымдастыруды жоспарлау бойынша ғылыми ұсыныстар негізінде «Тоғыз айға тоғыз іс-шара» тұжырымдамасының «Төрт тоқсан – төрт өнер» ұлттық мәдени-ағартушылық жобасын жүзеге асыру мақсатында ұйымдастырылды.

Жарыс қорытындысы бойынша жүлделі І орынды Қосымша білім беру орталығының «Намыс» волейбол үйірмесінің қыздар командасы иеленсе, ІІ орын Амангелді ауданынан келген командаға бұйырды. Ал жүлделі ІІІ орынды Амантоғай ауылының командасы місе тұтты. Жеңімпаз командалар орталықтың мадақтамасымен, кубокпен, медальдармен және естелік сыйлықтармен марапатталды. Үздік ойын өрнегін көрсеткен ойыншыларға ақшалай сыйлықтар табысталды. Игілігі мол іс-шаралар өз жалғасын таба бермек.

Ғабит ХАСЕНОВ,
Қосымша білім
беру орталығы
«Намыс» волейбол
үйірмесінің жетекшісі,
Арқалық қаласы