Ұшқыр ойдың алаңы

Амангелді ауданының білім беру бөліміне қарасты жалпы білім беретін және қосымша білім беру ұйымдарында «Ұшқыр ой алаңы» мәдени-ағартушылық жобасы жүзеге асырылып келеді.

Аталған жоба аясында пікірсайыс қозғалысын дамыту мақсатында, Амангелді ауданы білім бөлімінің 2024 жылға арналған жоспарына сәйкес, пікірсайыс қозғалысы лигасының жалпы жиналысы өткізілді. Республикалық «Ұшқыр ой алаңы» мәдени-ағартушылық жобасы аясында ұйымдастырылған жиналысқа білім бөлімінің жоба үйлестірушісі Мақпал Мухамбетова және білім беру ұйымдарының клуб жетекшілері қатысты.

Жиналыстың күн тәртібінде «Ұшқыр ой алаңы» пікірсайыс қозғалысының үстіміздегі 2024 жылға арналған жұмыс жоспары, пікірсайыс турнирлерін ұйымдастыру бағыты, клуб жұмысын дамыту тетіктері жөнінде мәселелер қаралды. «Ділмар» дебат клубының жетекшісі Алмас Сарбозов, «Парасат» клубының жетекшісі Нұрлыбек Атамбаев шебер-сынып көрсете отырып, өздерінің жұмыс тәжірибелерімен бөлісті.

«Ұшқыр ой алаңы» дебат қозғалысы аясында аудан бойынша жалпы 18 клуб жұмыс істейді, оған 300-ден астам оқушы тартылған.

Әнет ЖҰМАБЕК,
Амангелді ауданы