Жазғы психологиялық қолдау алаңы

«Психологиялық қолдаудың жазғы алаңдары» жобасы бойынша жұмысты, 5–11-сынып оқушылары үшін, жаз бойы білім беру ұымдарының психологиялық қызметтің мамандары, психолог құрастырған бағдарлама бойынша жүзеге асырады.

Балалар ұжымын біріктіру, тұлғааралық қарым-қатынасты түзету және дамыту мақсатында, жоспарға сәйкес көңілді жаттығулар, қызықты ойындар, жақсы қарым-қатынасқа, позитивті көңілге, қалыпты эмоция орнатуға арналған тренингтер, бір-бірімен толеранттық қарым-қатынас орнатуға арналған тимбилдингтер жүргізіліп отырады. Ашық аспан аясында саяхатқа шығып, серуендейді. Ойнатылатын ойын, тренингтер бала бойындағы қорқынышты жою, өз-өзіне деген сенімділігін арттыру және бала бойындағы аутодеструктивті мінез-құлықтың болдырмауын қамтиды.
Міндетті түрде таңғы жаттығу музыкамен басталады. Би дененің бұлшықеттерін сергітіп қана қоймай, жүрек қағысының жиілеп, ең маңыздысы – бойдағы барлық жаман энергияны сыртқа шығаруға көмектеседі. Сондай-ақ, туған жер тақырыбына байланысты мақал-мәтелдер сайысы жоспарланып, спорттық іс-шаралар өткізіледі. Дем алудың көптеген түрлері де қарастырылады. Босаңсу демалу, тебіреніп демалу, отты демалу, қиылысу демалу сияқты демалу техникалары ашу-ызаны жақсы шығаруға ықпал етеді. Осылайша психологиялық қолдау алаңдары өз жұмысын сәтті өткізуде.

Гульжан ТАИПОВА,
Көктал ЖББМ психологы,
Әулиекөл ауданы