Көлік саласы бойынша байқау

Қостанай автомобиль көлігі колледжінің базасында көлік саласы бойынша техникалық және кәсіптік білім беру ұйымдарының педагогтері арасында республикалық байқаудың аймақтық кезеңі қорытындыланды.

Додаға оқытушылар мен өндірістік оқыту шеберлері, сондай-ақ облыстың алты өңірінен – Қостанай, Жітіқара, Лисаков, Рудный қалалары мен Сарыкөл және Қарабалық аудандарынан сарапшылар қатысты. Байқау үш модуль бойынша ұйымдастырылды: клапандарды реттеу, отын жабдықтары, бензин қозғалтқышының ақаулықтарын жою, оның ішінде теорияны білуге тестілеу және практикалық тапсырмаларды орындау. Үміткерлер жоғары дайындық деңгейін, білім беру процесіне креативті көзқарасты көрсетті.
Қорытынды бойынша көлік саласының тәжірибелі мамандарынан құралған сарапшылар үздік педагогтерді таңдады. Аймақтық кезеңнің жеңімпаздары облыстың атынан республикалық деңгейдегі шешуші кезеңде бақ сынайтын болады. Салтанатты марапаттау барысында әрбір қатысушыға сертификаттар мен естелік сыйлықтар табысталды. Ұйымдастырушылар бұл іс-шаралардың педагогтердің кәсіби құзыреттілігін арттыру жолындағы және түрлі өңірлер мен ұйымдар арасында тәжірибе алмасудағы маңыздылығын айрықша атап айтты.

Қостанай облысы білім басқармасының
баспасөз қызметі