Учительская плюс
Областная еженедельная общественная информационно-образовательная газета
Календарь
01/05/26 Пятница
Қостанай жоғары педагогикалық колледжінде жас зерттеушілердің кәсіби бағдарын айқындауға бағытталған «Ғылым тұлғалары: прогресс туралы сұхбаттар» тақырыбында «Ұлағат» ғылыми студенттік қоғамының кезекті отырысы ұйымдастырылды.
Ашық диалог форматында өткен бұл іс-шара білім алушылардың ғылыми-зерттеу қызметіне қызығушылығын арттыруға, сондай-ақ ғылым мен білімнің сабақтастығын нығайтуға арналды. Жиынға Ахмет Байтұрсынұлы атындағы Қостанай өңірлік университетінің ғалымдары қатысып, жоғары білім беру жүйесіндегі өзекті мәселелер мен ғылыми ізденістің заманауи бағыттары жайлы пікір алмасты. Тарих ғылымдарының кандидаты, доцент Алибек Табулденов баяндамасында тарих ғылымының қазіргі кезеңдегі сын-қатерлері мен оның қоғамдық сананы жаңғыртудағы рөліне тоқталды. Ал тарих ғылымдарының докторы, қауымдастырылған профессор Айдар Айтмухамбетов ғылымның қоғам дамуының негізгі қозғаушы күші ретіндегі маңызын атап өтті.
Тағылымға толы іс-шара барысында колледжіміздің директоры Жомарт Құсайын сөз сөйлеп, болашақ педагогтердің кәсіби қалыптасуы жолында ғылыми-зерттеу жұмыстарының ерекше орын алатынын жеткізді. Сонымен қоса мұндай кездесулердің студенттердің академиялық белсенділігін арттырудағы рөліне назар аударды. Отырыста білім алушылар ғылыми қызметтің ерекшеліктері, архивтік деректермен жұмыс жүргізу әдістері, магистратура мен докторантураға түсу талаптары жөнінде нақты сұрақтар қойып, тәжірибелі ғалымдардан мазмұнды жауаптар алды. Ашық пікір алмасу қатысушылардың ғылыми дүниетанымын кеңейтіп қана қоймай, зерттеушілік дағдыларын дамытуға да ықпал етті.
Жиында студентіміз Милана Марченко колледж музейінің тарихы туралы баяндама жасап, білім беру мекемесінің қалыптасу кезеңдері мен жетістіктеріне тоқталды. Бұл баяндама қатысушылар тарапынан қызығушылық тудырып, тарихи мұраға деген құрметті арттыра түсті. Өнегелі іс-шара қорытындысында шақырылған спикерлерге Алғыс хаттар табысталып, ғылыми диалогтың жоғары деңгейде өткені атап өтілді. Ұйымдастырушылар тарапы студенттердің зерттеушілік мәдениетін қалыптастыруда, ғылыми әлеуетін дамытуда, кәсіби бағдарын айқындауда мұндай кездесулердің маңызды алаң екенін жеткізді.
Мөлдір ҚАСҚЫРБАЕВА,
Қостанай жоғары
педагогикалық
колледжінің арнайы
пәндер оқытушысы
Я непоколебимо верю, что наука и мир восторжествуют над невежеством и войной, что народы сойдутся друг с другом не для разрушения, а для созидания, и что будущее принадлежит тем, кто сделает более для страждущего человечества.
Величайшие открытия рождаются из простых наблюдений, если смотреть на мир с пытливостью ребёнка.
Наука должна служить людям, а не оставаться в стенах академий. Наука не имеет родины, потому что знание принадлежит всему человечеству.
На той ступени развития, которой мы достигли и которая обозначается именем «новейшей цивилизации», развитие наук, быть может, ещё более необходимо для нравственного благосостояния народа, чем для его материального процветания.
Учитель – это светоч нации. Ежедневным кропотливым трудом каждый из вас вносит неоценимый вклад в развитие страны. Вы сеете семена знаний в молодые сердца и растите мыслящую нацию. Ибрай Алтынсарин говорил: «Превыше всего я ценю хорошего учителя». Педагог – ключевая фигура в построении будущего страны, поэтому ему должно быть отведено достойное место в обществе.
