Ұлттың дана жазушысы

Қоғам қайраткері, Абайтанушы ғалым Мұхтар Омарханұлының 125 жылдығына орай, Қостанай педагогиқалық колледжіндегі кітапхана қызметкерлерінің ұйымдастыруымен «Ұлттың ұлы жазушысы – Мұхтар Әуезов» тақырыбынағы әдеби-сазды кеш өтті.

Қазақтың кемеңгер жазушысы Мұхтар Әуезов өмір бойы ұлтының рухани мұрасын, мәңгілік құндылықтарын, мәдениеті мен әдебиетін байытудын жолдарын қарастырумен болды. Дүниеге қазақ перзенті болып туып, азамат перзенті атанған М.Әуезовтың тағдыры – талай ақиқатқа қапысыз көз жетізген тағылым мектебі, заманымен бірге тебіреніп, мәңгілікке үндесе білудің айқын өнегесі.

Ұлы суреткер феодалдық қоғам ыдырап, қазақ қоғамы капитализмді айналып өтіп, соцалистік қоғамның орныға бастаған тұсында әдеби өмірге келді. Сондықтан да білімділердің бел ортасынан өз орнын ойып алды, ерте жарқ етіп көрінді. Кітапханада ұйымдастырылған аталмыш іс-шараның мақсаты – студент жастарды халқымыздың дана жазушысы Мұхтар Омарханұлының өмір жолы мен шығармашылығын таныстыру, студенттердің сөйлеу шеберлігі мен мәдениетін жетілдіру.

Әдеби-сазды кешке болашақ «Бастауыш сынып мұғалімдер» мен «Информатика пәнінің бастауыш және негізгі орта білім мұғалімдері» тартылды. Қай халықта да осындай жазушының болуы – үлкен бақыт. Қазақ әдебиетіндегі қайталанбас тұлға Мұхтар Әуезов көзінің тірісінде-ақ халықтың алғысына бөленген.

«Абайды Абай еткен Мұхтар ғана
Мұхтарды Мұхтар еткен Абай дана
Қазақтың қос арысы, қос данасы.
Қалайша бас имессін оған, сірә», – деген жыр жолдарымен басталған мерейлі кештегі бастапқы сөз «Ақпараттық» топ студенттері Б.Қаупыш пен Қ.Нұржалғастың жүргізумен басталды. Кеш барысында Ж.Жусупов, Т.Жумғажан, Ж.Нұридинова, сияқты студенттер Мұхтар Омарханұлына арналған «Ол әке», «Ол ұстаз», «Бата» өлеңдерін оқыды. Кеш ажарын Қ.Қабиеваның «Туған жер» әні кіргізді.

М.Әуезовтың «Абай жолы» роман-эпопеясынан Абай мен Құнанбайдың диалогін орындаған Байрам Магзумов пен Бейбарыс Файзолланың шоқтығы биік болды. Дана тұлға, қоғам қайраткерінің өнегесімен сусындаған жастар сәулелі ой түйіп, өзгеше сезімге бөленді. Кеш соңында айтулы кешке белсенді қатысқан студенттер мақтау қағаздарымен марапатталды.

Шолпан ХУСАЙЫНОВА,
Лаззат БАЙГАЗИНА,
Қостанай педагогикалық
колледжінің кітапханашылары