Арқалық қаласындағы Н.Құлжанова атындағы Торғай гуманитарлық колледжінде «Жас ұрпақ – жарқын болашақ» тақырыбында «Мектепке дейінгі тәрбие және оқыту» пәндік-әдістемелік бірлестігінің апталығы өтті.
Оқытушылар ашық сабақ, мамандық арасында сайыстар, викториналық сұрақ-жауап ойындар, сонымен қатар тәжірибе алмасуға келген тәрбиешілер, білім алушыларға эксперимент көрсетті. Білім негізгі мектепке дейінгі жастан қаланатын болғандықтан, баланың жеке тұлғалық күшін дамыту қазіргі оқытушылардың алдындағы үлкен міндет. Олай болса, өмірдің барлық саласында белсенді, шығармашылық іс-әрекетіне қабілетті, еркін және жан-жақты жетілген, білімді, дағдыларды меңгеретін, шығармашылық бағытта жұмыс істейтін, тың жаналықтар ашатын, біртума ойлау қабілетімен ерекшеленетін жеке тұлға қалыптастыру маңызды.
Кез келген ел өзінің жарқын болашағын ұрпағымен байланыстырады. Әрбір ұрпақтың пешенесіне жазылған заман ағымы, кезең, тынысы болады. ХХІ ғасыр – бүгінгі жас ұрпаққа бұйырған бақыт деп ойлаймын. Ата-бабамыз болашақ ұрпақ үшін соңғы демі қалғанша күресіп, бізге егемендік алып берді. Қай заманда болмасын, қоғамның қозғаушы күші – жас ұрпақ. Сондықтан, сол жарқын болашақ өкілдері мемлекетіміздің жаңа келбетін қалыптастырады. Олардың жаңа белестерге ұмтылысы жаңа идеялардың туындауына себепші болады. Ал, жаңа идея қазақ еліне қадам бастайды.
Акжаркын НАСРЕДИНОВА,
Н.Құлжанова атындағы
Торғай гуманитарлық колледжі
«Мектепке дейінгі тәрбие
және оқыту» мамандығының
ПӘК төрайымы, педагогика ғ.м.