Дамыған қоғамның кепілі

Қостанай қаласындағы «Станционный» кітапхана-филиалының қызметкерлері №15 м/ж 8 «Б» сынып оқушыларына арналған «Гендерлік теңдік – дамыған қоғамның кепілі» атты ақпарат күнін өткізді.

Кітапханашы оқушыларға гендерлік теңдік деген не екенін түсіндіріп, өткен және қазіргі қоғамдағы әйелдің жағдайын қарастырды. Проблемаларды салыстырдық, өзгерістерді талдадық. Іс-шараға №15 м/ж психологы Динара Маралқызы және әлеуметтік педагог Манат Оразалықызы, жеке кәсіпкер Алмагүл Шалқымбайқызы, «Бес үйрек» бөбекжайының меңгерушісі Қарлыға Қажиақпарқызы шақырылды. Олар гендерлік білім мен тәрбие мәселесі өзекті мәселе екенін айтты.

Демократиялық мемлекет құру ерлер мен әйелдер теңдігін сақтамай жүзеге асуы мүмкін емес. Ең алдымен, күш-жігерді гендерлік стереотиптерді жеңуге бағыттау керек. Еркек пен әйел екі қарама-қайшылық емес, тек екі түрлі жыныс. Бұл, керісінше, адамның жеке тұлға ретінде дамуына кедергі келтірмеуі керек екендігін айтады қатысушылар. Оқушылар іс-шара қонақтарына өздерін қызықтырған сұрақтарын қойып, пікірлерімен бөлісті. Іс-шара соңында кітапханашы «Гендерлік теңдік – дамыған қоғамның көрсеткіші» атты кітап көрмесіне шолу жасады.

Галия АЯЗБАЕВА,
«Станционный» кітапхана-
филиалының кітапханашы,
Қостанай қаласы