«Ғасырлардан келе жатқан сұлулық»

Наурыз мейрамы қарсаңында «Болашаққа бағдар: рухани жаңғыру» мемлекеттік бағдарламасын жүзеге асыру аясында Мичурин ЖББ мектебінде мақала тақырыбымен аттас қазақ ұлттық стиліндегі қуыршақтардың жанды көрмесі ұйымдастырылды.

«Дәстүр мен ғұмыр», «Өркендеу» арнайы жобасы аясында ұйымдастырылған көрме-байқауымыздың басты мақсаты – жас ұрпақты тарих қойнауына кеткен ұлттық киім үлгілерімен таныстыру, шығармашылық және қолданбалы өнер саласындағы ұлттық дәстүрлерді сақтауға және насихаттауға, қазақ ұлттық киіміне қызығушылықты ынталандыруға бағытталған.

Қуыршақтардың жанды көрмесіне 28 оқушы қатысты. Әр қуыршақтың киім үлгісіне назар салсақ, тарихымыздан ерекше бір сыр шертетін өзіндік ерекшелігі бар екенін байқауға болады. Қатысушылардың бәрі бірінен-бірі өтеді. Дегенмен арасында ерекше көзге түскен 1 «А» сынып оқушылары Глеб Выскребенцев пен Эмиль Шмидт Бас жүлдені иеленді. Барлық қатысушыларға жүлделі орындар мен сыйлықтар табысталды.

«Ең әдемі киім – ұлтыңның киімі», – деген дана адамдар. Қазақ халқының ұлттық киімдерінің түрі де, үлгісі де еш халықтан кем болған жоқ. Ата-аналар мен сынып жетекшілердің қолдауымен мектебіміздің оқушылары нағыз қазақ халқының ұлттық киімдерін паш етті. Ол кісілерге алғысымызды білдіре отырып, қолөнерімізді паш ететін, салт-дәстүрлерімізді жаңғыртанын жас ұрпақты тәрбиелеу біздің қолымызда дегім келеді.

Алуа САРТАЕВА,
Юлия ПАСЕЧНИК,
Мичурин ЖББМ,
Қостанай ауданы