Поэзияға жаны құмар шәкірттер

Республикалық Ілияс Жансүгіров пен Мұқағали Мақатаев оқуларының қалалық кезеңі Би-аға мектеп-гимназиясының базасында өтті. Қаламыздың қазақ мектептерінен аталмыш байқауға 16 оқушы қатысты.

Байқауға қатысушылардың дайындық барысына, жаттаған шығармаларын аудиторияға ұсынуына әділ бағасын қалалық білім бөлімінің әдіскері Аккужина Гульнара Шабденовна, Бейімбет Майлин атындағы №7 мектеп-гимназияның қазақ тілі мен әдебиеті мұғалімі, қалалық қазақ тілі мен әдебиеті мұғалімдерінің бірлестік жетекшісі Байкенова Галия Кайрбековна, сонымен бірге №4 мектеп-лицейдің қазақ тілі мен әдебиеті мұғалімі, қалалық қазақ тілі мен әдебиеті мұғалімдерінің бірлестік жетекшісі Досжанова Сауле Сейтмагамбетовна төрелік жасады. Төрешілердің нәтижесі бойынша әр номинация бойынша қатысушыларға әділ орындар бөлініп, арнаулы аталымдар да қарастырылды.

Би-аға атындағы білім беру ошағынан «Ағынды менің Ақсуым» атты номинацияда Жолдасбек Анарбеков І орынды, «Көкірегімде жыр сәулесі маздайды...» номинациясында Ербол Мамат ІІ орынды иеленді, «Ілияс – эпик ақын» номинациясында Әсет Тұрды, «Сұлу сөздің сүлейі» атты номинациядан Мейіржан Сәрсенбаев, «Айтып өткен ақында арман бар ма?» номинациясында Жаннұр Парахатова, ал «Жыр эстафетасы» номинациясында Бақытбек Мұратбай арнаулы аталымдарға ие болды. Облысқа жолдама алған Жолдасбекке сәттілік тілейміз.

Асемгуль АБУТАЛИПОВА,
Б.Майлин атындағы
№7 мектеп-гимназия
директорының дарынды
балалармен жұмысы
бойынша орынбасары,
Рудный қаласы