Тәлім мен тәрбие мектебі

Қостанай ауданына қарасты Айсары жалпы білім беретін мектебінде тәрбие бағытындағы жұмыстарының мазмұнын толықтыру мақсатында былтыр «Болашақ» театр үйірмесі ашылып, жетекшісі ретінде мен тағайындалдым.

Үйірмеге 20 оқушы қабылданды. «Болашақ» театр үйірмесінің оқушылары желтоқсан айында «Бауырсақ» ертегісімен аудандық Sunergy байқауына қатысып, «Ең үздіктер»қатарына ілініп, 25 мың ақшалай сыйлыққа ие болды. Қазіргі таңда алдағы уақытта өтетін байқауға дайындық үстінде. Үйірме мүшелері сахнада өздерін еркін ұсатуға, кейіпкер бейнесін ашуға, шығарманың мазмұнын толық түсініп, сахналап шығауға машықтанып келеді.
Театр – рухани азық алар орда. Ол – көрінгеннің ермегі емес, үлкен еңбек. Еңбектің көркемі. Сондай-ақ халықты эстетикалық адамгершілік пен ізгілікке тәрбиелеудің құралы болғандықтан, жас ұрпақтың арасында өнердің осы бір түрін дамыту өте маңызды. Талантты балалардың басын біріктіретін үйірменің балаларға берері көп.

Саркын АБЕНОВА,
Айсары ЖББМ
театр үйірмесінің
жетекшісі,
Қостанай ауданы