Күмбірлеген «Дала әуендері»

Ыбырай Алтынсариннің алдағы мерейтойы және «Рухани жаңғыру» бағдарламасын жүзеге асыру шеңберіндегі «Туған жер» арнайы жобасы аясында «Дала әуендері» атты қалалық домбырашылар байқауы өтті.

Байқау Лисаков қаласы әкімдігі білім бөлімі және Лисаков қаласы әкімдігі білім бөлімінің Балалар және жасөспірімдердің шығармашылық орталығының жұмыс жоспарына сай қашықтан ұйымдастырылды. Домбырашылар додасы Қазақстанның ұлттық мәдениеті мен ұлттық идеясының құндылықтарын дамыту, жастарды ұлттық патриотизмге, ұлттық мәдениет, әдет-ғұрып және дәстүрлер рухында тәрбиелеу, сонымен қатар жас домбырашылардың кәсіби деңгейін көтеруді көздеді.
Байқауға қаладағы білім мектептері, музыкалық мектеп, Балалар және жасөспірімдердің шығармашылық орталығы, Лисаков техникалық колледжі және Октябрь ауылынан 22 оқушылар мен студенттер қатысты. Қатысушылар рсынд 8-10 жас – бірінші санат, 10-13 жас – екінші санат, 13-17 жас – үшінші санат ртінде қарастырылып, жас ерекшеліктеріне сай бөлек бақ сынасты. Байқау қашықтан өткендіктен, қатысушылар домбырада ойнаған күйлерін видеоға түсіріп, ұйымдастырушы комитетке қыркүйектің 29-ы мен қазанның 31-і аралығында жіберді. Әділ қазылар алқасы жіберілген видеоларды тыңдап, қатысушылардың күйлеріне лайықты бағасын берді.

Нәтижесінде бірінші санат бойынша: 1-орынды – Азар Күлбаев (жетекшісі Қ.Ерғалиев), 2-орынды – Дамир Манат (жетекшісі Қ.Ерғалиев) және 3-орынды – Мансұр Бораш (жетекшісі М.Бірмұхан) иеленді. Ал екінші санатта бірінші тұғырға Әсет Жылқайдар (жетекшісі М.Бірмұхан) көтерілсе, 2-орынға Аружан Нұрмұхамбет (жетекшісі Қ.Ерғалиев), 3-орынға Самита Базарбаева (жетекшісі Қ.Ерғалиев) лайық деп танылды. Үшінші санат бойынша 1-орын – Абылай Өтегеновке (жетекшісі М.Бірмұхан), 2-орын – Әсет Түгүлге (жетекшісі Ж.Алдамжарова), 3-орын – Аруна Қуандыққа (жетекшісі М.Бірмұхан) берілді.
Домбыра – ұлттық өнеріміздің негiзiн салушы әрi жеткiзушiсi. Сондықтан оның қазақ үшiн киелi аспап екенiн мойындай отырып, қазақтың ұлы перзенттерiн даярлауға тиiспiз.

Дыбыс БАЛАБИЕВА,
Лисаков қалалық балалар мен
жасөспірімдер шығармашылық
орталығының әдістемелік
бөлім меңгерушісі