Балабақшамен қоштасу

Амангелді ауданына қарасты «Жұпар» бөбекжайының «Ертөстік» тобында қуанышы мен қызығы мол «Қош бол, менің сүйікті балабақшам!» кеші өткізілді. Кештің тақырыбына сай балабақшаның іші мерекелік атрибуттармен безендірілді.

Ортаға шыққан балаларымызды қошеметпен қарсы алдық. Балаларымыздың әрқайсысы ерекше дайындықпен келіп, ән салып, би биледі. Ертеңгілік соңында балабақша ұжымы түлеп ұшып бара жатқан түлектерге алғашқы дипломдарын сыйлықпен бірге табыс етті. Ал, олар қоштасу вальсін билеп, тілектерін айтып, аспанға шарлар ұшырды. Осылай мереке өте әсерлі аяқталды.
Қорытынды кеш өте ерекше өтті. Кішкентай кездерінде абыр-сабыр, көз жасы көп болса, бұл ретте балаларымыз ертең мектеп табалдырығын аттап өтетін оқушылар ретінде өздерін салмақты көрсетті. Қимастығы мен қуанышы қатар мереке әрқайсымыздың есімізде қалары сөзсіз. Міне, бір белестен өтіп, енді балалар мектеп кемесіне сапар шегеді. Бүлдіршіндеріміздің алдағы жолына сәт сапар тілейміз.

Гульнур КАДЕНОВА,
«Жұпар» б/б тәрбиешісі,
Амангелді ауданы